Die Theatergesellschaft Plaffeien lädt zu den Aufführungen des Stücks "Zwee wi Hùnn ù Chatz" ein. Ein Lustspiel in 3 Akten.

Die Theatergesellschaft Plaffeien lädt Sie zu den Aufführungen des Stücks "Zwee wi Hùnn ù Chatz" ein. Das Lustspiel in 3 Akten von Bernd Gombold wird unter der Regie von Brigitte Neuhaus und David Stöckli aufgeführt. Zur Inhaltsangabe: "De Sendigg ù de Dorfpfarrer, sit Jaar ù Tag Nachpuure, zangge ùmi  as mau märterlich. Ù nai stit ersch no d 1200-Jaar-Fiir vo de Gmiin vor de Tür! De Sendigg isch aso vo sich überzügt, dass er sich aus Brünnefigur mitz ùfùm Dorfplatz lat la verewige. Di Hofart git im Pfarrer gar nid. Är siit i de Tüübi, dass ùs dem Dorfbrünne scho müessti Heilwasser lùùfe, dass är mitùm Sendigg chönnti zämewärche.  

Di Ussag het verheerendi Fouge! De gwitzta Grossvater ù de Chnächt verseckle nid nùme d Magd ù d Pfarrchöchi, sondern o di nüe Feriegäscht. Z Miitli vom Sendigg isch zwar nid aso schlagfertig wi ihmse Mueter, aber o nid ùfe Chopf kit. Bringt sias ächtersch fertig, dass d Öutere ihras Schatz akzeptiere? De Füürwehrkommandant isch im Seich. We de Sendigg de nü Faane zaut, tuet ne de Pfarrer nid gsäne ù umgekehrt.  

Wär söu igentlich de Operestar für d 1200-Jahr-Fiir zahle? Fünets zäme mitùm Ùndersuechigsbeamte vom Bundesrat usa ù häbet a lùschtiga Theaterabe."